Lindsay Lohan kishte shumë frikë të kthehej në New York pasi studioi për një kohë islamin.

Në një intervistë për “Daily Mail”, ajo ka treguar se i pëlqen shumë të studiojë Kuranin dhe të gjitha praktikat islamike sepse i duket një fe shumë shpirtërore. Lohan ka thënë se studimi i fesë islame e ka bërë të ndihet më në paqe dhe admiron faktin se sa shumë njerëz mblidhen në të njëjtën kohë për t’u lutur dhe e respektojnë këtë praktikë për sa kohë ata jetojnë.

“Trump duhet të mësojë prej presidentit Erdogan se si të sillet me refugjatët. Erdogan ka një zemër të madhe dhe i gjithë populli e do për këtë. Unë mendoj se SHBA-të duhet të ndjekë të njëjtin shembull”, – ka thënë ajo gjatë intervistës.

Ndërkohë aktorja ka thënë se do të donte të ishte në një film që flet pikërisht për këtë situatën alarmante me refugjatët sirianë. Në fund, ajo e ka përfunduar bisedën duke thënë se është beqare dhe nuk ka ndërmend që të lidhet për një kohë të gjatë.